തിരുവനന്തപുരം: എഡിജിപി എസ് ശ്രീജിത്തിനെ ഡിജിപിയാക്കാന് തീരുമാനിച്ച് സംസ്ഥാന സര്ക്കാര്. ഡിജിപി റാങ്കിലുള്ള ഫയര്ഫോഴ്സ് മേധാവി നിതിന് അഗര്വാള് വിരമിച്ചതിന് പിന്നാലെയാണ് ഈ നിയമനം.
ഇതുമായി ബന്ധപ്പെട്ട ഉത്തരവ് ഉടന് ഇറങ്ങും.
നിതിന് അഗര്വാള് വിരമിച്ച ഒഴിവിലേക്ക് തൊട്ടടുത്ത എഡിജിപിക്കാണ് പ്രൊമോഷന് ലഭിക്കുക. അങ്ങനെയെങ്കില് സുരേഷ് രാജ് പുരോഹിതാണ് ഈ സ്ഥാനത്തേക്ക് വരേണ്ടിയിരുന്നത്്. എന്നാല് അദ്ദേഹം നിലവില് കേന്ദ്ര ഡെപ്യൂട്ടേഷനിലാണുള്ളത്. അതിനാല് തൊട്ടുപിന്നില് നില്ക്കുന്നത് എം ആര് അജിത്കുമാറാണ്. പക്ഷേ ആലപ്പുഴ രക്ഷാപ്രവര്ത്തന കേസുമായി ബന്ധപ്പെട്ട് എം ആര് അജിത്കുമാര് സസ്പെന്ഷനിലാണ്. ഈ സാഹചര്യത്തില് അടുത്ത മുതിര്ന്ന ഉദ്യോഗസ്ഥന് എന്ന നിലയില് എസ് ശ്രീജിത്തിന് നറുക്ക് വീഴുകയായിരുന്നു.
