KERALA
ഡല്ഹിയിലെ സമരത്തിന് ഐക്യദാര്ഢ്യവുമായി സംസ്ഥാനത്തെ വിവിധയിടങ്ങളില് യുവജന സംഘടനകളുടെ പ്രതിഷേധം
തിരുവനന്തപുരം: ഡല്ഹിയിലെ സമരത്തിന് ഐക്യദാര്ഢ്യവുമായി സംസ്ഥാനത്തെ വിവിധയിടങ്ങളില് യുവജന സംഘടനകളുടെ പ്രതിഷേധമുണ്ടായി. പ്രതിഷേധം പലയിടത്തും മാര്ച്ച് സംഘര്ഷത്തിലാണ് അവസാനിച്ചത്്. വിദ്യാര്ത്ഥികള്ക്ക് പിന്തുണയുമായി ജന്തര് മന്തറിലേക്കുള്ള ആളുകളുടെ കൂടുതല് ഒഴുക്ക് തുടരുകയാണ്.
ലോക്ഭവനിലേക്ക് എസ്എഫ്ഐ അവകാശപത്രികാ സമര്പ്പണ മാര്ച്ച് നടന്നു. പ്രതിപക്ഷ നേതാവ് പിണറായി വിജയനാണ് മാര്ച്ച് ഉദ്ഘാടനം ചെയ്യ്തത്. ഉദ്ഘാടനത്തിന് ശേഷം മാര്ച്ച് സംഘര്ഷ ഭരിതമായി. വിദ്യാര്ത്ഥികള് ബാരിക്കേഡുകള് മറികടന്നു. പല തവണ പൊലീസ് ജലപീരങ്കി പ്രയോഗിച്ചു. ആയിരക്കണക്കിന് വിദ്യാര്ത്ഥികള് ലോക്ഭവന് മുന്നില് തടിച്ചു കൂടി.പാലക്കാടും എസ്എഫ്ഐയുടെ കടുത്ത പ്രതിഷേധത്തില് നാല് എസ്എഫ്ഐ പ്രവര്ത്തകര് അറസ്റ്റിലായി. കല്പ്പറ്റ ഹെഡ് പോസ്റ്റ് ഓഫീസിലേക്കായിരുന്നു എസ്എഫ്ഐ പ്രതിഷേധ മാര്ച്ച്. ബാരിക്കേഡിന് മുകളില് കയറി പ്രവര്ത്തകര് പ്രതിഷേധിച്ചു. പോസ്റ്റ് ഓഫീസ് കോമ്പൗണ്ടിന് അകത്തേക്ക് തള്ളികയറിയ പ്രവര്ത്തകര് പൊലീസുമായി സംഘര്ഷത്തിലേര്പ്പെട്ടതിനെ തുടര്ന്നാണ് അറസ്റ്റിലായത്. ഇവിടേക്ക് യൂത്ത് കോണ്ഗ്രസും മാര്ച്ച് നടത്തിയിരുന്നു. കോട്ടയത്തും എസ്എഫ്ഐ പ്രതിഷേധം നടക്കുകയാണ്. പൊലീസ് ജലപീരങ്കി പലതവണ പ്രയോഗിച്ചെങ്കിലും പ്രതിഷേധം ശക്തി ചോരാതെ തുടര്ന്നുപോകുകയായിരുന്നു. കോട്ടയത്ത് ആയിരക്കണക്കിന് വിദ്യാര്ത്ഥികളാണ് പ്രതിഷേധിക്കുന്നത്. കോഴിക്കോട്ടും എസ്എഫ്ഐ പ്രതിഷേധം തുടരുകയാണ്. ധര്മേന്ദ്ര പ്രധാന് രാജി വെക്കുക എന്ന ആവശ്യമുന്നയിക്കുന്ന പ്ലക്കാര്ഡുകളും ബാനറുകളും പിടിച്ചാണ് എസ്എഫ്ഐ പ്രതിഷേധം. കൊച്ചിയിലുണ്ടായ പ്രതിഷേധത്തില് എസ്എഫ്ഐ പ്രവര്ത്തകര്ക്ക് നേരെ പൊലീസ് ടിയര് ഗ്യാസ് പ്രയോഗിച്ചു. നിരവധി വിദ്യാര്ത്ഥികള്ക്ക് പരിക്കേറ്റിട്ടുണ്ട്. പല വിദ്യാര്ത്ഥികളും കുഴഞ്ഞു വീണു.
https://youtu.be/7X-cO0pl4LQ?si=cybZeHD1fi1e8Oq7
