തിരുവനന്തപുരം.നയതന്ത്രബാഗില്‍ സ്വര്‍ണം കടത്തിയ കേസില്‍ അറസ്റ്റിലായി ഒരു വര്‍ഷത്തോളമായി ജയിലില്‍ കഴിയുന്ന സ്വപ്‌ന സുരേഷിന് ജാമ്യം ലഭിച്ചു. അമ്മ പ്രഭാസുരേഷാണ് സ്വപ്നയെ കൊണ്ടുപോകാനായി അട്ടകുളങ്ങര വനിതാ ജയിലില്‍ എത്തിയത്.ഇപ്പോള്‍ ഒന്നും പ്രതികരിക്കാനില്ലെന്നും എല്ലാം പിന്നീട് പറയാമെന്നാണ് സ്വപ്‌നയും അമ്മയും പറഞ്ഞത്.ജയിലില്‍ നിന്നും നേരെ ബാലാരാമപുരത്തെ വീട്ടിലേയ്ക്കാണ് ഇരുവരും പോയത്.സ്വപ്‌നയുള്‍പ്പെട്ടിട്ടുളള സ്വര്‍ണക്കടത്ത്,ഡോളര്‍കടത്ത് എന്നീ കേസുകളിലെല്ലാം ജാമ്യം കിട്ടിയതോടെയാണ് സ്വപ്‌ന ജയില്‍ മോചിതയായത്.
