മുംബൈ: ഇന്ത്യയുടെ വാനമ്പാടിയെന്ന് സ്‌നേഹപൂര്‍വം വിളിക്കപ്പെടുന്ന ഗായിക ലതാ മങ്കേഷ്‌കറിന് കൊവിഡ് സ്ഥിരീകരിച്ചു. നേരിയ ലക്ഷണങ്ങളോടെ മുംബൈയിലെ ആശുപത്രിയില്‍ പ്രവേശിപ്പിച്ചു. ആരോഗ്യകരമായി പ്രശ്‌നങ്ങളില്ലെങ്കിലും പ്രായാധിക്യം പരിഗണിച്ചാണ് മുംബൈ ബ്രീച്ച് ക്യാന്റി ആശുപത്രിയിലെ ഐ സി യുവില്‍ പ്രവേശിപ്പിച്ചതെന്ന് ബന്ധുക്കള്‍ അറിയിച്ചു.
കഴിഞ്ഞ സെപ്തംബറില്‍ ലതാ മങ്കേഷ്‌കറിന്റെ 92 താം പിറന്നാള്‍ ആരാധകര്‍ സമൂഹ മാധ്യമങ്ങളിലൂടെ ആഘോഷിച്ചിരുന്നു. കൂടുതല്‍ സിനിമകളില്‍ ഗാനമാലപിച്ച് ഗിന്നസ് ബുക്കില്‍ ഇടം പിടിച്ച ലതാ മങ്കേഷ്‌കറിനെ 2001 ല്‍ രാജ്യം ഭാരതരത്‌ന നല്‍കി ആദരിച്ചിരുന്നു.
