ശ്രീനഗര്‍: ജമ്മു കശ്മീരിലെ കത്വയില്‍ ഭീകരാക്രമണത്തില്‍ കരസേനയുടെ നാല് സൈനികര്‍ക്ക് വീരമൃത്യു. സൈനികരുടെ വാഹനവ്യൂഹത്തിന് നേരെയാണ് ആക്രമണം ഉണ്ടായത് അതില്‍ ആറു സൈനികര്‍ക്ക് പരിക്കേറ്റിട്ടുണ്ട്. കത്വയില്‍നിന്ന് 150 കിലോമീറ്റര്‍ അകലെ സ്ഥിതിചെയ്യുന്ന മച്ചേദി – കിന്ദ്‌ലി – മല്‍ഹാര്‍ റോഡില്‍ പതിവ് പരിശോധന നടത്തുകയായിരുന്ന സൈനിക വാഹനത്തിന് നേരെയാണ് ഭീകരാക്രമണം ഉണ്ടായത്.
തിങ്കളാഴ്ച ഉച്ചകഴിഞ്ഞാണ് സംഭവം. സൈനിക വാഹനത്തിന് നേരെ ഗ്രനേഡ് എറിഞ്ഞ ഭീകരര്‍ തൊട്ടുപിന്നാലെ വെടിയുതിര്‍ക്കുകയായിരുന്നു. സൈനികര്‍ തിരിച്ചടി നല്‍കാന്‍ ശ്രമിച്ചെങ്കിലും ഭീകരര്‍ സമീപത്തെ വനത്തിലേക്ക് ഓടിമറഞ്ഞു. ആക്രമണത്തെ തുടര്‍ന്ന് പ്രദേശത്ത് സുരക്ഷാ സേന തിരച്ചില്‍ തുടങ്ങിയിട്ടുണ്ട്. ഭീകരരും സൈനികരും തമ്മില്‍ ഏറ്റുമുട്ടല്‍ നടക്കുന്നതായി സുരക്ഷാ സേനാ വൃത്തങ്ങള്‍ അറിയിച്ചു.
ഈ ലിങ്ക് വഴി ഇ ന്യൂസ് വാര്‍ത്താ ഗ്രൂപ്പില്‍ ജോയിന്‍ ചെയ്യാം https://chat.whatsapp.com/GWCxVhupXM1JzhuzKNnTGz
