പത്തനംതിട്ട കുരമ്പാല തോട്ടുകര പാലത്തിന് സമീപം രണ്ടുപേര്‍ ഷോക്കേറ്റ് മരിച്ചു.പാറവിളക്കിഴക്കേതില്‍ പിജിഗോപാലപിള്ള, ചന്ദ്രശേഖരന്‍ എന്നിവരാണ് മരിച്ചത്. ഇന്ന് രാവിലെ പ്രദേശത്ത് എത്തിയ നാട്ടുകാരാണ് ഇരുവരെയും മരിച്ച നിലയില്‍ കണ്ടത്തിയത്. കൃഷിയിടത്തില്‍ പന്നികള്‍ കയറാതിരിക്കാന്‍ ഇലക്ട്രിക് കമ്പികള്‍ സ്ഥാപിച്ചിരുന്നു. ഇതില്‍നിന്ന് ഷോക്കേറ്റാണ് മരണം എന്നാണ് നിഗമനം.
രാവിലെ ഏഴരയോടെയാണ് സംഭവം. ചന്ദ്രശേഖരനാണ് ആദ്യം ഷോക്കേറ്റത്. ഇതു കണ്ട് രക്ഷിക്കാന്‍ ശ്രമിക്കുന്നതിനിടെ ഗോപാലപിള്ളക്ക് ഷോക്കേല്‍ക്കുകയായിരുന്നു. അതേസമയം പോസ്റ്റ്‌മോര്‍ട്ടം നടപടികള്‍ പൂര്‍ത്തിയാക്കി മൃതദേഹം ബന്ധുക്കള്‍ക്ക് വിട്ടു നല്‍കും.
സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്. പോസ്റ്റ്‌മോര്‍ട്ടം റിപ്പോര്‍ട്ട് ഉള്‍പ്പെടെ ലഭിച്ചതിനുശേഷം ആയിരിക്കും പോലീസിന്റെ തുടര്‍നടപടികള്‍.
