കോഴിക്കോട്: പ്രമുഖ പത്ര ഫോട്ടോഗ്രാഫറായിരുന്ന ബഷീര്‍ അഹമ്മദിന്‍റെ നിര്യാണത്തില്‍ കോഴിക്കോട്ടെ മാധ്യമ പ്രവര്‍ത്തകരുടെ യോഗം അനുശോചിച്ചു. കാലിക്കറ്റ് പ്രസ്‌ക്ലബിന്‍റെയും സീനിയര്‍ ജേണലിസ്റ്റ്‌സ് ഫോറം കോഴിക്കോട് ജില്ലാ കമ്മിറ്റിയുടെയും സംയുക്താഭിമുഖ്യത്തിലാണ് യോഗം സംഘടിപ്പിച്ചത്. യോഗത്തില്‍ ഇ.പി. മുഹമ്മദ് അധ്യക്ഷനായിരുന്നു.
പ്രസ് ക്ലബ് ട്രഷറര്‍ പി.വി. നജീബ് അനുശോചന പ്രമേയം അവതരിപ്പിച്ചു. കെ.പി. വിജയകുമാര്‍, എന്‍.പി.ചെക്കുട്ടി, എം.ബാലഗോപാലന്‍, എം.ടി. വിധുരാജ്, സി. അബ്ദുറഹിമാന്‍, പി.പി. അബൂബക്കര്‍, കെ.എഫ്.ജോര്‍ജ്, ബിമല്‍ തമ്പി, എ.പി.അബൂബക്കര്‍, സി.ഒ.ടി.അസീസ്, ബാബു ചെറിയാന്‍, ഷിജിത്ത് ശ്രീധർ, കെ.നീനി എന്നിവര്‍ സംസാരിച്ചു. എം. ജയതിലകന്‍ സ്വാഗതവും പി.കെ. സജിത്ത് നന്ദിയും പറഞ്ഞു.
പടം:
കാലിക്കറ്റ് പ്രസ് ക്ലബിൽ നടന്ന ബഷീർ അഹമ്മദ് അനുശോചന യോഗത്തിൽ മുതിർന്ന മാധ്യമപ്രവർത്തകൻ എൻ.പി ചെക്കുട്ടി സംസാരിക്കുന്നു
