കോഴിക്കോട്: വഖഫ് നിയമ ഭേദഗതിയുടെ പശ്ചാത്തലത്തില്‍ വിഷയം ചര്‍ച്ച ചെയ്യാന്‍ മുസ്‌ലിം കോര്‍ഡിനേഷന്‍ യോഗം ഇന്ന് കോഴിക്കോട് നടക്കും. യോഗത്തില്‍ ഇരുവിഭാഗം സമസ്ത , ജമാഅത്തെ ഇസ്ലാമി, മുജാഹിദ് വിഭാഗങ്ങള്‍, എം ഇ എസ് അടക്കമുള്ള മുസ്‌ലിം സംഘടന പ്രതിനിധികള്‍ പങ്കെടുക്കുമെന്ന് ലീഗ് സംസ്ഥാന ജനറല്‍ സെക്രട്ടറി പി എം എ സലാം അറിയിച്ചിട്ടുണ്ട്.
വൈകിട്ട് മൂന്നിന് കോഴിക്കോട്ടെ സ്വകാര്യ ഹോട്ടലിലാണ് യോഗം നടക്കുക. ലോക്‌സഭയില്‍ അവതരിപ്പിച്ച വഖഫ് ഭേദഗതി ബില്‍ പ്രതിപക്ഷ ആവശ്യത്തെ തുടര്‍ന്ന് സംയുക്ത പാര്‍ലമെന്ററി സമിതിക്ക് വിട്ടിരുന്നു. ഇതിന് പിന്നാലെയാണ് യോഗം.
