മലയാളി മോഡലും പുതുമുഖ നടിയുമായ ആരാധ്യ ദേവിയുടെ പിറന്നാള്‍ ആഘോഷമാക്കി സംവിധായകന്‍ രാം ഗോപാല്‍ വര്‍മ. ചിത്രത്തിലെ അണിയറപ്രവര്‍ത്തകരുടെ സാന്നിധ്യത്തില്‍ കേക്ക് മുറിച്ച് നടി പിറന്നാള്‍ ആഘോഷിച്ചു.ഇന്‍സ്റ്റാ റീലിലൂടെയാണ് രാം ഗോപാല്‍ വര്‍മ്മ ആരാധ്യ ദേവിയെ കണ്ടെത്തുന്നതും സിനിമയില്‍ അവസരം നല്‍കുന്നതും.
അദ്ദേഹം അവതരിപ്പിക്കുന്ന ‘സാരി’ എന്ന ചിത്രത്തിലെ നായിക കൂടിയാണ് ആരാധ്യ. സഹപ്രവര്‍ത്തകര്‍ക്കൊപ്പം പിറന്നാള്‍ ആഘോഷിക്കുന്നതിന്റെ വീഡിയോ ഇന്‍സ്റ്റഗ്രാമിലൂടെ ആരാധ്യ പങ്കുവെച്ചു.
‘എന്റെ പിറന്നാള്‍ മറക്കാന്‍ പറ്റാത്തതാക്കി മാറ്റിയതിന് റാമിന് നന്ദി’, ആരാധ്യ കുറിച്ചു. രാം ഗോപാല്‍ വര്‍മയുടെ ഹൈദരാബാദിലെ ഓഫിസില്‍ വച്ചായിരുന്നു ആഘോഷം. പിറന്നാള്‍ ആഘോഷത്തില്‍ നിന്നുള്ള ചിത്രങ്ങള്‍ രാം ഗോപാല്‍ വര്‍മയും പങ്കുവെച്ചിട്ടുണ്ട്.
