കോഴിക്കോട്: ജില്ലാ സ്പോർട്സ് കൗൺസിൽ വോളീബോൾ ടെക്നിക്കൽ കമ്മിറ്റി സംഘടിപ്പിച്ച ജില്ല മിനി വോളീബോൾ ചാംപ്യൻഷിപ് വി കെ കൃഷ്ണമേനോൻ ഇൻഡോർ സ്റ്റേഡിയത്തിൽ നടന്നു ( ആൺകുട്ടികളുടെ വിഭാഗം) ചാംപ്യൻഷിപ്പിന്റെ ഉദ്ഘാടനം ജില്ലാ സ്പോർട്സ് കൗൺസിൽ പ്രസിഡന്റ് ഒ രാജഗോപാൽ നിർവ്വഹിച്ചു. വൈകുന്നേരം നടന്ന ഫൈനൽ മത്സരത്തിൽ ജിജോ കോട്ടൂരിനെ നേരിട്ടുള്ള 2 സെറ്റുകൾക്ക് പരാജയപ്പെടുത്തി വോളി ഫ്രണ്ട്സ് പയമ്പ്ര ജേതാക്കളായി.സമാപന ചടങ്ങിൽ വിജയികൾക്കുള്ള ട്രോഫി ടി കെ രാഘവൻ (മുൻ ജില്ലാ സ്പോർട്സ് കൗൺസിൽ കോച്ച് )സമ്മാനിച്ചു ചടങ്ങിൽ കെ പ്രദീപൻ, രാമദാസ് കെ, അനൂപ് പാറോൽ, പ്രദീപ്കുമാർ പി പി എന്നിവർ പങ്കെടുത്തു.
