കോഴിക്കോട് :
ടെലിഗ്രാം ആപ്പ് വഴി പാർട്ട് ടൈം ജോലിക്കാണെന്ന് പറഞ്ഞ് വിശ്വസിപ്പിച്ച് ഫേക്ക് വെബ്ബ് പോർട്ടലിൽ രജിസ്റ്റർ ചെയ്യിപ്പിക്കുകയും ടെലിഗ്രാം അക്കൗണ്ടുകളിൽ നിന്നുള്ള നിർദ്ദേശങ്ങൾക്കനുസരിച്ച് ഡെയിലി ടാസ്ക് ചെയ്യുന്നതിനായി പല തവണകളായി 32 ലക്ഷത്തോളം രൂപ നിക്ഷേപിപ്പിക്കുകയും, ടാസ്കുകൾ പൂർത്തിയാക്കിയതിനു ശേഷം വാഗ്ദാനം ചെയ്ത തുകയോ നിക്ഷേപിച്ച തുകയോ തിരിച്ച് നൽകാതെ ഓൺലൈൻ വഴി ചതിയിലൂടെ പണം തട്ടിയതുമായി ബന്ധപ്പെട്ട് കോഴിക്കോട് സിറ്റി സൈബർ ക്രൈം പോലീസ് സ്റ്റേഷനിൽ 2023 ൽ രജിസ്റ്റർ ചെയ്ത കേസിൽ കോഴിക്കോട് മുട്ടാഞ്ചേരി സ്വദേശിയായ 21 കാരൻ അറസ്റ്റിൽ.
ടെലിഗ്രാം അക്കൗണ്ടുകളിൽ നിന്നുള്ള നിർദ്ദേശപ്രകാരം രാജ്യത്തിന്റെ വിവിധ ഭാഗങ്ങളിലുള്ള ബാങ്ക് അക്കൗണ്ടുകളിലേക്ക് പരാതിക്കാരി ട്രാൻസ്ഫർ ചെയ്തു കൊടുത്ത 32 ലക്ഷത്തോളം രൂപയിൽ നാലര ലക്ഷത്തോളം രൂപ മുംബൈയിൽ ഉള്ള ദേശസാൽകൃത ബാങ്കിൻ്റെ അക്കൗണ്ടിലേക്ക് എത്തിയതായും അന്ന് തന്നെ ആ തുക ഉൾപ്പെടെ പന്ത്രണ്ടര ലക്ഷത്തോളം രൂപ നാല് ഇടപാടുകളിലായി കുന്നമംഗലത്തുള്ള സ്വകാര്യ മേഖല ബാങ്കിൻ്റെ അക്കൗണ്ടിലേക്കു വന്നതായും അതേ ദിവസം തന്നെ ആ തുകയിൽ വലിയൊരു ഭാഗം ചെക്ക് മുഖേന പിൻ വലിച്ചതായും ബാക്കി തുക മറ്റൊരു അക്കൗണ്ടിലേക്ക് ട്രാൻസ്ഫർ ചെയ്തതായും അന്വേഷണത്തിൽ വ്യക്തമായതിനാലാണ് അക്കൗണ്ടിന്റെ ഉടമയായ കോഴിക്കോട് മുട്ടാഞ്ചേരി മണ്ണാറത്ത് ഉമ്മറിൻ്റെ മകൻ അബ്ദുൾ ഫത്താഹിനെ കോഴിക്കോട് സിറ്റി സൈബർ ക്രൈം പോലീസ് അറസ്റ്റ് ചെയ്തത്. കോഴിക്കോട് സിറ്റി പോലീസ് ഡെപ്യൂട്ടി കമ്മിഷണർ അരുൺ കെ പവിത്രൻ ഐ പി എസ് ന്റെ നിർദ്ദേശപ്രകാരം സൈബർ ക്രൈം പോലീസ് സ്റ്റേഷൻ അസികമ്മിഷണർ ജി ബാലചന്ദ്രൻ മേൽനോട്ടത്തിൽ ഇൻസ്പെക്ടർ കെ കെ ആഗേഷിന്റെ നേതൃത്വത്തിലുള്ള അന്വേഷണ സംഘത്തിൽ സബ് ഇൻസ്പെക്ടർ വിനോദ് കുമാർ, സീനിയർ സിവിൽ പോലീസ് ഓഫീസർ രാജേഷ് ചാലിക്കര, സിവിൽ പോലീസ് ഓഫീസർമാരായ ഷമാന അഹമ്മദ്, സനിൽ ടി, ബിജു വി അഖിലേഷ് പി. സിവിൽ പോലീസ് ഓഫീസർ (ഡ്രൈവർ) മുജീബ് റഹ്മാൻ എന്നിവർ ഉണ്ടായിരുന്നു.
അക്കൗണ്ടിൽ നിന്നും പിൻ വലിച്ച പണം ഹവാല ഇടപാടുകൾക്കായി ഉപയോഗിച്ചതായാണ് സംശയിക്കുന്നത്. എറണാകുളം പനങ്ങാട് പോലീസ് സ്റ്റേഷനിൽ രജിസ്റ്റർ ചെയ്ത സൈബർ തട്ടിപ്പു കേസിൽ അറസ്റ്റിലായ ഇയാൾ ജാമ്യത്തിൽ ഇറങ്ങിയതാണ്. കോഴിക്കോട് സിറ്റി സൈബർ ക്രൈം പോലീസ് സ്റ്റേഷനിൽ ഈ വർഷം രജിസ്റ്റർ ചെയ്ത 95 ലക്ഷം രൂപ നഷ്ടപ്പെട്ട മറ്റൊരു കേസിലും ഇയാൾ ഉൾപ്പെട്ടതായി അന്വേഷണ സംഘത്തിന് വ്യക്തമായിട്ടുണ്ട്. സൈബർ തട്ടിപ്പു കേസുകൾ കൂടാതെ മറ്റു കേസുകളിലും ഇയാൾ ഉൾപ്പെട്ടതായി അന്വേഷണത്തിൽ വ്യക്തമായിട്ടുണ്ട്. സംസ്ഥാനത്തിനകത്തും പുറത്തും രജിസ്റ്റർ ചെയ്ത കൂടുതൽ സൈബർ തട്ടിപ്പു കേസുകളിൽ ഇയാൾ ഉൾപ്പെട്ടിട്ടുണ്ടോ എന്നുള്ളത് പരിശോധിച്ചു വരുകയാണ്. സൈബർ തട്ടിപ്പുകളിലൂടെ എത്തുന്ന പണം തട്ടിപ്പുകാർക്ക് സഹായകരമായ രീതിയിൽ ചെക്ക് വഴിയും ATM വഴിയും പിൻവലിച്ചു കൊടുക്കുന്ന വലിയ സംഘത്തിൽ വിദ്യാർത്ഥികളും, യുവാക്കളും ഉൾപ്പെടുന്നതായി അന്വേഷണത്തിൽ സൂചനകൾ ഉണ്ട്. കോഴിക്കോട് സി ജെ എം കോടതി മുൻപാകെ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. കോഴിക്കോട് സൈബർ പോലീസ് നടത്തിയ
ഒരു ടെലിഗ്രാം അക്കൗണ്ടിൽ നിന്നു പാർട്ട് ടൈം ജോലിയുമായി ബന്ധപ്പെട്ട സന്ദേശത്തിന് അനുകൂലമായി പ്രതികരിച്ച പരാതിക്കാരി, അക്കൗണ്ടിൽ നിന്നും
ലഭിച്ച നിർദേശങ്ങൾക്കനുസരിച്ചു പ്രവർത്തിക്കുകയും അത് പ്രകാരം 63103 ടെലിഗ്രാം ഗ്രൂപ്പി ലേക്ക് മെമ്പർ ആയി ചേർക്കപ്പെടുകയും ചെയ്തു. ധാരാളം അംഗങ്ങൾ ഉണ്ടായിരുന്ന ഗ്രൂപ്പിൽ പല മെമ്പർമാരും പണം നിക്ഷേപിച്ചതിന്റെ സ്ക്രീൻ ഷോട്ടുകളും, പണം തിരികെ ലഭിച്ചതിൻ്റെ സ്ക്രീൻ ഷോട്ടുകളും പങ്കുവെച്ചതിൽ ആകൃഷ്ടയായ പരാതിക്കാരി ടെലിഗ്രാം ഗ്രൂപ്പിലൂടെയും, ബന്ധപ്പെട്ട ടെലിഗ്രാം അക്കൗണ്ടുകളിലൂടെയും ലഭിക്കുന്ന നിർദ്ദേശങ്ങൾക്കനുസരിച്ച് പണം നിക്ഷേപിച്ചു. ആദ്യം 10,000/- രൂപ നിക്ഷേപിച്ചപ്പോൾ 13,380/- രൂപ അക്കൗണ്ടിൽ ക്രഡിറ്റ് ആയതിൽ വിശ്വാസമർപ്പിച്ചു കൊണ്ടും ടാസ്കുകൾ പൂർത്തിയാക്കുന്നതിലൂടെ കൂടുതൽ ലാഭം ലഭിക്കും എന്നും, നിശ്ചിത ടാസ്കുകൾ പൂർത്തിയാക്കിയാൽ മാത്രമേ പണം പിൻവലിക്കാൻ കഴിയൂ എന്നും ടെലിഗ്രാം മെസ്സേജ് വഴി പരാതിക്കാരിയെ വിശ്വസിപ്പിച്ചിരുന്നതു കൊണ്ടും കൂടുതൽ തുകകൾ പലപ്പോഴായി അയച്ചു കൊടുക്കുകയും ചെയ്തു. നിർദ്ദേശപ്രകാരമുള്ള ടാസ്കുകൾ പൂർത്തിയാക്കി, പണം തിരികെ ലഭിക്കുന്നതിന് വേണ്ടി ശ്രമിച്ചപ്പോൾ, നിക്ഷേപിച്ച 32 ലക്ഷത്തോളം തിരികെ ലഭിക്കുന്നതിന് വേണ്ടി ശ്രമിച്ചപ്പോൾ, നിക്ഷേപിച്ച 32 ലക്ഷത്തോളം രൂപയുടെ 30% ആവശ്യപ്പെട്ടതോടെയാണ് ഇത് ടെലിഗ്രാം ഗ്രൂപ്പിലെ അംഗങ്ങൾ അടക്കം ചേർന്നുള്ള തട്ടിപ്പാണെന്ന് ഡോക്ടറായ പരാതിക്കാരി തിരിച്ചറിഞ്ഞത്. വെരിഫിക്കേഷൻ ഫീസ് അടയ്ക്കണം എന്ന്
സോഷ്യൽ മീഡിയ പ്ലാറ്റ് ഫോമുകൾ വഴി കാണുന്നതും അമിത ലാഭം വാഗ്ദാനം ചെയ്യുന്നതുമായ പരസ്യങ്ങളിലും ഫേക്ക് നിക്ഷേപ പ്ലാറ്റുഫോമുകളിലും ആകൃഷ്ടരായി പണം നിക്ഷേപിച്ചും, ഓൺലൈൻ ടാസ്കുകൾ വഴിയും ഓൺലൈൻ ജോബുകൾ വഴിയും പണം സമ്പാദിക്കാം എന്ന് തെറ്റിദ്ധരിച്ചും സമൂഹത്തിന്റെ എല്ലാ തലങ്ങളിലും ഉള്ള ആളുകൾ വഞ്ചിതരാകുന്നതും അത് സംബന്ധമായ സൈബർ കേസുകളും അനുദിനം കൂടിക്കൊണ്ടിരിക്കുകയാണ്. ബന്ധുക്കൾക്കും സുഹൃത്തുക്കൾക്കും വേണ്ടി സ്വന്തം പേരിലുള്ള ബാങ്ക് അക്കൗണ്ടുകൾ വഴി എത്തുന്ന
സ്വന്തം വലിയ തുകകൾ ചെക്ക് ഉപയോഗിച്ചും ATM വഴിയും പിൻ വലിച്ചു കൊടുക്കുന്നതും മാറ്റ് ബാങ്ക് അക്കൗണ്ടുകളിലേക്ക് ട്രാൻസ്ഫർ ചെയ്തു കൊടുക്കുന്നതും. പേരിലുള്ള ബാങ്ക് അക്കൗണ്ടുകളും ATM കാർഡുകളും, ഇൻ്റർനെറ്റ്‌ ബാങ്കിങ് വിവരങ്ങളും മറ്റുള്ളവർക്ക് നൽകുന്നതും സൈബർ തട്ടിപ്പുകാർക്കും അത് വഴി ഹവാല ഇടപാടുകാർക്കും സഹായം ചെയ്തു കൊടുക്കലാണെന്നും അതിന് നിയമ നടപടികൾ നേരിടേണ്ടി വരുമെന്നും പൊതു ജനങ്ങൾ അറിഞ്ഞിരിക്കേണ്ടതും സൈബർ തട്ടിപ്പുകളെക്കുറിച്ചും, സൈബർ തട്ടിപ്പുകളിൽ പെട്ടുപോകാനുള്ള സാധ്യതകളെക്കുറിച്ചും ബോധവാന്മാരാകേണ്ടതുമാണ്. ബാങ്ക് അക്കൗണ്ടുകൾക്ക് വേണ്ടി കോളേജുകളും മറ്റു ഉന്നത വിദ്യാഭ്യാസ കേന്ദ്രങ്ങളും ലക്ഷ്യമിട്ട് സൈബർ തട്ടിപ്പു സംഘങ്ങങ്ങളും ഹവാല ഇടപാടുകാരും വല വിരിക്കുന്നതായുള്ള നിരവധി സൂചനകൾ വിവിധ സൈബർ കേസുകളുടെ അന്വേഷണത്തിൻ്റെ ഭാഗമായി ലഭിച്ചിട്ടുണ്ട്. പുതുതലമുറ സൈബർ തട്ടിപ്പുകളെക്കുറിച്ചു മനസ്സിലാക്കാൻ കേരളാപോലീസിൻ്റേയും കോഴിക്കോട് സിറ്റി പോലീസിൻ്റെയും സമൂഹ മാധ്യമ അക്കൗണ്ടുകൾ പിൻ തുടരാവുന്നതാണ് .
ഓൺലൈൻ സാമ്പത്തിക തട്ടിപ്പിൻ്റെ ഇരയാകുകയാണെങ്കിൽ 1930 എന്ന ടോൾ ഫ്രീ നമ്പറിൽ ബന്ധപ്പെടുകയോ www.cybercrime.gov.in എന്ന വെബ്സൈറ്റിൽ രജിസ്റ്റർ ചെയ്യുകയോ ചെയ്യേണ്ടതാണ്.
