KERALAlocal

ഡിസംബർ 6 ന് പ്രമുഖ മാധ്യമപ്രവർത്തകൻ ശ്രീമനോജ് അനുസ്മരണ പരിപാടി സംഘടിപ്പിക്കുന്നു

കോഴിക്കോട് : കോഴിക്കോട്ടെ എ.സി.വി ന്യൂസിൻ്റെ ആദ്യകാല പ്രൊഡ്യൂസറും മുതിർന്ന മാധ്യമപ്രവർത്തകനുമായ ശ്രീമനോജ് ഓർമ്മയായിട്ട് മൂന്ന് വർഷം പിന്നിടുകയാണ്. കോഴിക്കോട്ടെ മുതിർന്ന മാധ്യമപ്രവർത്തകരിൽ ഒരാൾ എന്നതിലുപരി കോഴിക്കോടിൻ്റെ സ്പന്ദനങ്ങൾ തൊട്ടറിഞ്ഞ ഒരു സാമൂഹ്യ സാംസ്കാരിക പ്രവർത്തകൻ കൂടിയായിരുന്നു ശ്രീമനോജ്. ഇന്ത്യൻ യൂത്ത് അസോസിയേഷൻ ഉൾപ്പെടെ നിരവധി പ്രസ്ഥാനങ്ങളുടെ അമരക്കാരൻ കൂടിയായിരുന്നു അദ്ദേഹം.ശ്രീമനോജിൻ്റെ സ്മരണ നിലനിർത്താനായി അദ്ദേഹത്തിന്റെ സഹപ്രവർത്തകർ ചേർന്ന് രൂപം കൊടുത്ത ശ്രീമനോജ് അനുസ്മരണ സമിതിയുടെ ആഭിമുഖ്യത്തിൽ ശ്രീമനോജ് അനുസ്മരണ പരിപാടി സംഘടിപ്പിക്കുന്നുവെന്ന് സംഘടകർ വാർത്താസമ്മേളനത്തിൽ അറിയിച്ചു.

more news:സ്ക്കൂൾ കുട്ടികൾക്ക് നിരോധിത പുകയില ഉത്പന്നങ്ങൾ വിൽപന നടത്തിയ രണ്ട് പേർ പിടിയിൽ

ഡിസംബർ 6 ന് വൈകീട്ട് 5 30 ന് പുതിയ ബസ് സ്റ്റാൻിന് സമീപം കെ.പി.കേശവമേനോൻ ഹാളിലാണ് അനുസ്മരണ പരിപാടി നടക്കുക. ഇതോടനുബന്ധിച്ച് ശ്രീമനോജ് മാധ്യമ പുരസ്കാരവും സമ്മാനിക്കും. പ്രശസ്ത സിനിമാ താരം വിനോദ് കോവൂരാണ് ഇത്തവണ പുരസ്കാരത്തിന് അർഹനായത്. എ. സി. വി കോഴിക്കോട് ബ്യൂറോയിലെ റിപ്പോർട്ടറായി തുടങ്ങി പിന്നീട് പ്രോഗ്രാം അവതാരകനായി ഇന്ന് മലയാളത്തിലെ അറിയപ്പെടുന്ന സിനിമാ താരങ്ങളിൽ ഒരാളായി മാറിയിരിക്കുകയാണ് വിനോദ് കോവൂർ.
സർക്കാർ നടപ്പാക്കുന്ന സാമൂഹ്യ സുരക്ഷാ പദ്ധതികൾ എയിഡ് ബോധവത്ക്കരണ പരിപാടി ഭിന്നശേഷിക്കാരുടെ പുനരധിവാസ പരിപാടികൾ തുടങ്ങിയവയെക്കെല്ലാം നിസ്തുലമായ പിന്തുണ നൽകുന്ന വ്യക്തി കൂടിയാണ് അദ്ദേഹം . അത്തരം പ്രവർത്തനങ്ങളാണ് വിനോദിനെ പുരസ്കാരത്തിന് അർഹനാക്കിയത്.

more news:അഗ്‌നിപർവ്വത സ്‌ഫോടനം: പ്രവാസികളുടെ യാത്ര റദ്ദാക്കി, ടിക്കറ്റ് റീ ഫണ്ട് ചെയ്യും

ശിൽപ്പവും പ്രശസ്തിപത്രവും ഉൾപ്പെട്ടതാണ് പുരസ്കാരം. ഡിസംബർ 6 ന് വൈകീട്ട് 5.30 ന് കെ.പി.കേശവമേനോൻ ഹാളിൽ നടക്കുന്ന ശ്രീമനോജ് അനുസ്മരണ ചടങ്ങിൽ മാത്യഭൂമി മാനേജിങ്ങ് ഡയറക്ടർ എം.വി.ശ്രേയാംസ് കുമാർ പുരസ്കാരം സമ്മാനിക്കും.എഴുത്തുകാരനും മുതിർന്ന മാധ്യമപ്രവർത്തകനുമായ പി. അനിൽ ചെയർമാനായ ജൂറിയാണ് പുരസ്കാര ജേതാക്കളെ തെരഞ്ഞെടുത്തത്. ചെയർമാൻ ജൂറി കമ്മിറ്റി.പി. അനിൽ,സംഘാടക സമിതി ജനറൽ കൺവീനർ കെ.ജി.സുരേഷ്,കൺവീനർ കെ.പി.രമേഷ്,ജോയിന്റ് കൺവീനർ മുഹമ്മദ് നാസർ വിപി,അനൂപ് കോവിൽ വീട്ടിൽ തുടങ്ങിയവർ വാർത്താസമ്മേളനത്തിൽ പങ്കെടുത്തു.

 

Related Articles

Leave a Reply

Your email address will not be published. Required fields are marked *

Close