കൊച്ചി: പൃഥ്വിരാജ് പ്രധാന വേഷത്തിലെത്തിയ പുതിയ ചിത്രം വിലായത്ത് ബുദ്ധയാണ് ഇപ്പോഴത്തെ പുതിയ ചർച്ചാവിഷയം. ജയൻ നമ്പ്യാർ സംവിധാനം ചെയ്ത് പൃഥ്വിരാജ് നായകനായി എത്തിയ ഈ ചിത്രത്തിൽ പൃഥ്വിരാജിനൊപ്പം തന്നെ ഏറ്റവും കൂടുതൽ ചർച്ചചെയ്യപെടുന്ന കഥാപാത്രമാണ് ഷമ്മി തിലകൻ അവതരിപ്പിച്ച ഭാസ്കരൻ മാസ്റ്റർ എന്ന കഥാപാത്രം. ഇപ്പോഴിതാ ചിത്രത്തെ കുറിച്ച് ചില കാര്യങ്ങൾ പറയുകയാണ് ഷമ്മി തിലകൻ.കൂടെ അഭിനയിക്കുന്ന കോ ആർട്ടിസ്റ്റുകൾ താൻ അഭിനയിക്കുമ്പോൾ റിയാക്ഷൻ തരാതെ നിൽക്കുന്നുവെന്നും, അങ്ങനെ ചെയ്യാത്ത രണ്ട് പേർ പൃഥ്വിരാജും ദുൽഖറുമായിരുന്നെന്ന് ഷമ്മി തിലകൻ പറയുന്നത്. അതുകൊണ്ട് തന്നെ വിലായത്ത് ബുദ്ധയ്ക്ക് ശേഷം സിനിമയിൽ നിന്നും താൻ വിരമിക്കാൻ പദ്ധതിയിടുന്നുവെന്നാണ് ഷമ്മി തിലകൻ ഇപ്പോൾ വെളിപ്പെടുത്തിയിരിക്കുന്നത്. ഷമ്മി തിലകൻ്റെ വാക്കുകൾ ഇങ്ങനെ.
more news:അരുൺ ഐസ്ക്രീം ഡോനട്ടുകൾ പുറത്തിറക്കി
ഞാൻ എന്തിനാണ് ഈ പണി ചെയ്യുന്നത്? ഭാസ്കരൻ മാഷ് എന്ന വേഷം ഉണ്ടായത് തന്നെ, എനിക്ക് ഇത്രയും പ്രശംസ ലഭിക്കാൻ കാരണം പോലും നൂറ് ശതമാനം പൃഥ്വിരാജ് ആണെന്ന് ഞാൻ വിശ്വസിക്കുന്നു. പൃഥ്വിരാജിന്റെ സ്ഥാനത്ത് വേറെ നടനായിരുന്നെങ്കിൽ എന്നെ ഇത്രയും സ്‌കോർ ചെയ്യാൻ സമ്മതിക്കില്ല. പൃഥ്വിരാജിനെ പോലെ മനസ്ഥിതിയുള്ള നടന്മാർ വരട്ടെ ഞാൻ അഭിനയിക്കും. ദുൽഖർ രാജുവിന്റെ അതേപോലെ തന്നെയാണ്. ദുൽഖർ ഒരിക്കലും എന്നോട് അങ്ങനെയൊന്നും കാണിച്ചിട്ടില്ല. അത് ഞാൻ പറയാൻ വിട്ടുപോയി. അവരോട് രണ്ട് പേരോടും ഞാൻ കടപ്പെട്ടിരിക്കുന്നുവെന്നാണ് ഷമ്മി തിലകൻ പറഞ്ഞത്.ജി. ആർ ഇന്ദുഗോപന്‍റെ പ്രശസ്ത നോവലായ ‘വിലായത്ത് ബുദ്ധ’ അതേ പേരിൽ തന്നെയാണ് ജയൻ നമ്പ്യാരുടെ സംവിധാനത്തിൽ സിനിമയായി പ്രേക്ഷകരിലേക്ക് എത്തിയിരിക്കുന്നത്.
more news:ഈ പുതുവർഷത്തിൽ പ്രവാസികൾക്ക് കുറഞ്ഞ വിമാനടിക്കറ്റിൽ നാട്ടിലേക്ക് വരാം, അടിപൊളി ഓഫറുകൾ പ്രഖ്യാപിച്ചു
‘തൊണ്ടിമുതലും ദൃക്‌സാക്ഷിയും’, ‘സത്യം പറഞ്ഞാൽ വിശ്വസിക്കുവോ’, ‘സൗദി വെള്ളക്ക’ തുടങ്ങിയ ഹിറ്റ് ചിത്രങ്ങൾക്ക് ശേഷം ഉർവ്വശി തിയെറ്റേഴ്സിൻ്റെ ബാനറിൽ സന്ദീപ് സേനൻ ഒരുക്കിയിരിക്കുന്ന ബ്രഹ്മാണ്ഡ സിനിമയാണ് ‘വിലായത്ത് ബുദ്ധ’. എവിഎ പ്രൊഡക്ഷൻസിനുവേണ്ടി എ.വി അനൂപുമായി ചേർന്നാണ് ചിത്രം ഒരുക്കിയിരിക്കുന്നത്. ജി.ആർ. ഇന്ദുഗോപനും രാജേഷ് പിന്നാടനും ചേർന്നാണ് ‘വിലായത്ത് ബുദ്ധ’യുടെ തിരക്കഥ ഒരുക്കിയിരിക്കുന്നത്.
