തിരുവനന്തപുരം: ശബരിമലയില് മില്മയുടെ വ്യാജ നെയ്യ് വില്പനയില് . പമ്പയില് നിന്നും സന്നിധാനത്തേക്ക് നെയ്യ് പരിശോധനയില്ലാതെ കടത്തിവിട്ടെന്നും വിമര്ശനമുണ്ട്. ഇതില് ദേവസ്വം ബോര്ഡ് ഉദ്യോഗസ്ഥരുടെ പങ്കും അന്വേഷിക്കും.മില്മ ജീവനക്കാരെ ഉദ്യോഗസ്ഥര് സഹായിച്ചുവെന്നാണ് പ്രാഥമിക നിഗമനം. അന്വേഷണത്തിനായി ദേവസ്വം മന്ത്രിക്ക് കത്ത് നല്കുമെന്ന് ക്ഷീരവകുപ്പ് മന്ത്രി ബിന്ദു കൃഷ്ണ അറിയിച്ചു. ഉദ്യോഗസ്ഥരുടെ ഇടപെടല് അന്വേഷിക്കുമെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് കെ ജയകുമാറും വ്യക്തമാക്കി.
ശബരിമലയിലേയ്ക്കുള്ള മില്മയുടെ നെയ്യ് വിതരണത്തില് ഗുരുതര ക്രമക്കേട് നടന്നതായി ക്ഷീരവികസന വകുപ്പ് അന്വേഷണ റിപ്പോര്ട്ടില് വ്യക്തമായിരുന്നു. ഒന്നര ലക്ഷം ലിറ്ററിലധികം നിലവാരമില്ലാത്ത നെയ്യ് സന്നിധാനത്ത് എത്തിയതായും ഇതിലൂടെ മില്മയ്ക്ക് 85 ലക്ഷം രൂപയ്ക്കുമേല് നഷ്ടമുണ്ടായതായുമാണ് റിപ്പോര്ട്ടില് പറയുന്നത്.
