കോയമ്പത്തൂർ :
ലോക പ്രമേഹ ദിനത്തിൽ ഗ്രാമീണ കാർഷിക പ്രവർത്തി പരിചയപരിപാടിയുടെ (RAWE) ഭാഗമായി അമൃത സ്കൂൾ ഓഫ് അഗ്രികൾച്ചറൽ സയൻസസ് വിദ്യാർത്ഥികൾ കൊയമ്പത്തൂർ ജില്ലയിലെ വാടപുതൂർ ഗ്രാമപഞ്ചായത്തിൽ മില്ലറ്റുകളുടെ കൃഷി പ്രോത്സാഹനം, മില്ലറ്റുകളുടെ മൂല്യവർധിത ഉൽപ്പന്നങ്ങൾ, കൂടാതെ പ്രമേഹം നിയന്ത്രിക്കുന്നതിൽ മില്ലറ്റുകളുടെ പ്രാധാന്യം എന്നിവയെക്കുറിച്ചുള്ള വിവിധ പ്രദർശനങ്ങളും ബോധവത്കരണ പരിപാടികളും സംഘടിപ്പിച്ചു. കർഷകരിൽ മില്ലറ്റുകളുടെ പോഷക മൂല്യവും സാമ്പത്തിക പ്രാധാന്യവും കുറിച്ചുള്ള അവബോധം വർധിപ്പിക്കുകയായിരുന്നു പരിപാടിയുടെ പ്രധാന ലക്ഷ്യം.
പരിപാടിക്കിടയിൽ, വിദ്യാർത്ഥികൾ വിവിധ മില്ലറ്റ് ഇനങ്ങളുടെ കൃഷിരീതി വിശദീകരിക്കുകയും മില്ലറ്റ് ഉപയോഗിച്ചുള്ള മൂല്യവർധിത ഉൽപ്പന്നങ്ങൾ പ്രദർശിപ്പിക്കുകയും അവയുടെ ആരോഗ്യഗുണങ്ങൾക്കുറിച്ച് കർഷകരെ ബോധവൽക്കരിക്കുകയും ചെയ്തു.
അമൃത കാർഷിക കോളേജിലെ ഡീൻ ആയ ഡോ. സുധീഷ് മണാലിന്റെയും, അസിസ്റ്റൻറ് പ്രൊഫസർ ഡോ. എസ് തിരുകുമാറിന്റെയും മറ്റു അധ്യാപകരുടെയും മാർഗനിർദേശത്തോടെ വിദ്യാർത്ഥികളായ ദർശിനി, അനന്യ, ശ്രീ ലക്ഷ്മി, ദക്ഷിണ, അഞ്ജിത. ഷണ്മുഖവർഷിനി, മാധേഷ്, നിതീഷ്, മധൻ,ഹരി സൂര്യ എന്നിവർ ഉൾപ്പെട്ട വിദ്യാർത്ഥി സംഘം നടത്തിയ പ്രവർത്തനങ്ങൾക്ക് കർഷകരും നാട്ടുകാരും മികച്ച പ്രതികരണമാണ് നൽകിയത്.
