താന്‍ വളരെ താഴ്ന്നു നില്‍ക്കുന്ന ഒരാളാണെന്ന് എച്ച് സലാം , എന്നെയും സുധാകരനെയും താരതമ്യം ചെയ്യരുത്

അമ്പലപ്പുഴ: നിയമസഭ തിരഞ്ഞെടുപ്പ് പ്രചാരണത്തില്‍ സ്ഥാനാര്‍ത്ഥിക്ക് പിന്തുണ നല്‍കിയില്ലെന്നാരോപിച്ച് സിപിഐഎമ്മില്‍ നിന്നും പരസ്യശാസന നേരിടേണ്ടി വന്ന ജി സുധാകരനെ പുകഴ്ത്തി എച്ച് സലാം. അദ്ദേഹത്തെയും തന്നെയും താരതമ്യം ചെയ്യരുതെന്നും,താന്‍ താഴ്ന്നു നില്‍ക്കുന്ന ഒരാളെന്നുമാണ് എച്ച് സലാം പറഞ്ഞത്.ജി സുധാകരന്റെ എംഎല്‍എ ഫണ്ടില്‍ നിന്നും നിര്‍മിച്ച പുന്നപ്ര ജെ ബി സ്‌കൂളിലെ പുതിയ കെട്ടിടത്തിന്റെ ഉദ്ഘാടന ചടങ്ങില്‍ പ്രസംഗിക്കുന്ന വേളയിലാണ് ഇത്തരത്തില്‍ ജി സുധാകരനെ പുകഴ്ത്തി സംസാരിച്ചത്.എന്നാല്‍ ഉദ്ഘാടനവുമായി ബന്ധപ്പെട്ട് ജി സുധാകരന്റെ ഫോട്ടോ ഫോട്ടോഷോപ്പ് ചെയ്ത് മാറ്റിയത് വലിയ വിവാദമായിരുന്നു. അതിനിടയിലാണ് സലാമിന്റെ പുതിയ പ്രതികരണം.