കോഴിക്കോട് :
കോഴിക്കോട് കേന്ദ്രീകരിച്ചു മയക്കു മരുന്ന് വിൽപ്പനയും ഉപയോഗവും നടന്നു വരുന്നതായുള്ള വിവരത്തെ തുടർന്ന് നാർക്കോട്ടിക്ക് സെൽ അസി. പോലീസ് കമ്മീഷണറുടെ കീഴിലുള്ള DANSAF സ്‌ക്വാഡും ടൗൺ പോലീസും സംയുക്തമായി നടത്തിയ പരിശോധനയിൽ സൗത്ത് ബീച്ച് സ്റ്റാർ ബക്സ് ഹോട്ടലിനു സമീപത്ത് വെച്ചാണ് മാരക മയക്കുമരുന്നായ 400 ഗ്രാം ആഷിഷ് (ചരസ്സ്) മായി ഷാഹുൽഹമീദ് ( 30 ), S/o. ഷുഹൈബ്, കുന്നുമ്മൽ വീട്, ഫറോക്ക് കോളേജ് എന്ന ആളെ പിടികൂടിയത്. ഉത്തരേന്ത്യയിൽ നിന്നും ട്രയിൻമാർഗ്ഗം കേരളത്തിൽ മയക്കു മരുന്ന് എത്തിച്ച് വിൽപ്പന നടത്തുന്ന കണ്ണിയിലെ പ്രധാനിയാണ് പിടിയിലായ ഷാഹുൽ ഹമീദ്. പിടികൂടിയ പ്രതിയെ വൈദ്യ പരിശോധനക്ക് ശേഷം NDPS കോടതിയിൽ ഹാജരാക്കും.
