തൃശൂര്: ആണവ ശാസ്ത്രജ്ഞനും ഇടതു ചിന്തകനുമായ ഡോ. എംപി പരമേശ്വരന് അന്തരിച്ചു.തൃശൂരിലെ വസതിയില് വച്ചായിരുന്നു അന്ത്യം. കഴിഞ്ഞ ദിവസം മുമ്പാണ് അദ്ദേഹത്തിന്റെ തൊണ്ണൂറ്റി രണ്ടാം പിറന്നാള് ആഘോഷിച്ചത്.ശാസ്ത്ര പ്രചാരകനും വൈജ്ഞാനിക എഴുത്തുകാരനുമായ ഡോ. എംപി പരമേശ്വരന് കേരള സാഹിത്യ അക്കാദമി സമഗ്ര സംഭാവനയ്ക്കുള്ള പുരസ്കാരം നല്കി ആദരിച്ചിട്ടുണ്ട്. ശാസ്ത്ര സാഹിത്യ പരിഷത്തിന്റെ നേതൃനിരയില് പ്രവര്ത്തിച്ച എംപി പരമേശ്വരന് അറിയപ്പെടുന്ന ഇടതു ചിന്തകനുമായിരുന്നു. നാലാംലോക സിദ്ധാന്തവുമായി ബന്ധപ്പെട്ട്, കേരളത്തിലെ സിപിഎമ്മിനെ ഇളക്കിമറിച്ച വിവാദകാലത്ത് സിപിഎമ്മില്നിന്നു പുറത്താക്കപ്പെട്ടിട്ടു
ണ്ട്
പരിസ്ഥിതി, മാലിന്യ സംസ്കരണം തുടങ്ങിയ വിഷയങ്ങളില് ശ്രദ്ധേയ പഠനങ്ങള് പ്രസിദ്ധീകരിച്ചിട്ടുണ്ട്തൃശൂര് ജില്ലയിലെ കിരാലൂരില് 1935ലാണ് എംപി പരമേശ്വരന്റെ ജനനം. തിരുവനന്തപുരം എന്ജിനിയറിങ് കോളജ്, മോസ്കോ പവര് ഇന്സ്റ്റിറ്റ്യൂട്ട് എന്നിവിടങ്ങളില് ഉന്നത പഠനം പൂര്ത്തിയാക്കി. 1957 മുതല് 1975 വരെ ഭാഭ ആറ്റോമിക് റിസര്ച്ച് സെന്ററില് ശാസ്ത്രജ്ഞനായിരുന്നു.ശാസ്ത്രത്തെ കേവലം സാങ്കേതിക അറിവായി കാണാതെ സമൂഹത്തിന്റെ പുരോഗതിക്കും മനുഷ്യവിമോചനത്തിനുമുള്ള ഉപാധിയായി അവതരിപ്പിക്കണമെന്ന നിലപാടായിരുന്നു എം പി പരമേശ്വരന്റെ ചിന്തകളുടെ പ്രധാന സവിശേഷത.
