കോഴിക്കോട് : എസ്.ഡി.പി.ഐ കോഴിക്കോട് മുൻ ജില്ലാ ജനറൽ സെക്രട്ടറിയും പ്രമുഖ ഡോക്യുമെന്ററി സംവിധായകനുമായ നജീബ് അത്തോളിയുടെ വേർപാടിന്റെ ഒന്നാം വാർഷികത്തിൽ എസ്.ഡി.പി.ഐ ജില്ലാ കമ്മിറ്റി അനുസ്മരണ പരിപാടി സംഘടിപ്പിച്ചു.
മുതിർന്ന മാധ്യമ പ്രവർത്തകൻ എൻ.പി ചെക്കുട്ടി ഉദ്ഘാടനം ചെയ്തു. പ്രമുഖ മനുഷ്യാവകാശ പ്രവർത്തകനും എസ്.ഡി.ടി.യു സംസ്ഥാന പ്രസിഡണ്ടുമായ എ.വാസു , എസ്.ഡി.പി.ഐ സംസ്ഥാന സെക്രട്ടറി മുസ്തഫ കൊമ്മേരി, ജില്ലാ പ്രസിഡണ്ട് മുസ്തഫ പാലേരി, ജനറൽ സെക്രട്ടറി സലീം കാരാടി, സെക്രട്ടറി ജലീൽ സഖാഫി, പോപുലർ ഫ്രണ്ട് ജില്ലാ പ്രസിഡണ്ട് ഫായിസ് മുഹമ്മദ്, എസ്.ഡി.ടി.യു ജില്ലാ പ്രസിഡണ്ട് ഇസ്മായിൽ കമ്മന, വിമൺ ഇന്ത്യ മൂവ്മെന്റ് ജില്ലാ പ്രസിഡണ്ട് കെ.കെ ഫൗസിയ തുടങ്ങിയവർ സംസാരിച്ചു.
