നഗരത്തിൽ വീണ്ടും ലഹരിവേട്ട സിറ്റി പോലീസും , ഡാൻസാഫും ചേർന്ന് ലഹരി ശ്യംഖല തകർക്കുന്നു

കോഴിക്കോട് : ബെംഗളൂരുവിൽ നിന്നും ട്രയിൻ മാർഗ്ഗം എം ഡി എം എ എത്തിച്ച് വിൽപന നടത്തുന്ന യുവാവിനെ പിടികൂടി. മാവൂർ സ്വദേശി കണ്ണി പറമ്പ് തയ്യിൽ തൊടികയിൽ പി.ടി അമീർ ഷർവാനെ(26) യാണ് വലിയങ്ങാടി ഭാഗത്ത് വച്ചാണ് സിറ്റി നാർക്കോട്ടിക്ക് സെൽ അസി: കമ്മീഷണർ കെ. എ ബോസിൻ്റെ നേതൃത്വത്തിലുള്ള ഡാൻസാഫും , എസ്.ഐ ശ്രീസിതയുടെ നേതൃത്വത്തിലുള്ള ടൗൺ പോലീസും ചേർന്ന് പിടികൂടിയത്. ഇയാളിൽ നിന്ന് 27 ഗ്രാം MDMA പോലീസ് പിടിച്ചെടുത്തു .
ലഹരിക്കെതിരെ ശക്തമായ നടപടി സ്വീകരിക്കുന്നതിൻ്റെ ഭാഗമായി മാവൂർ ഭാഗങ്ങൾ കേന്ദ്രീകരിച്ച് നടത്തിയ നിരീക്ഷണത്തിലാണ് അന്വേക്ഷണം അമീറിലേക്ക് എത്തിയത്. ഒരു മാസത്തോളമായി ഇയാൾ ഡാൻസാഫിൻ്റെ നിരീക്ഷണത്തിൽ ആയിരുന്നു . ലഹരി മരുന്ന് ഉപയോഗിക്കുന്നയാളാണ് അമീർ . ജോലിക്കൊന്നും പോകാതെ ലഹരി കച്ചവടത്തിലേക്ക് ഇറങ്ങുകയായിരുന്നു. മാവൂർ പോലീസിൽ ലഹരി വിൽപ്പന നടത്തിയതിനും , ഉപയോഗിച്ചതിനും ഇയാൾക്കെതിരെ കേസുകൾ ഉണ്ട്. ഇന്ന് രാവിലെ ബെഗളൂരുവിൽ നിന്നും ട്രയിൻ മാർഗ്ഗം MDMA കൊണ്ട് വന്ന് കോഴിക്കോട് ട്രയിൻ ഇറങ്ങി വലിയങ്ങാടി ഭാഗത്തേക്ക് പോകുമ്പോഴാണ് ഇയാൾ പോലീസിൻ്റെ പിടിയിലാവുന്നത്.
ഡാൻസാഫ് ടീമിൻ്റെ അന്വേക്ഷണത്തിൽ കോഴിക്കോട് ജില്ലാ പോലീസ് ഈ മാസം 13 ദിവസത്തിനുള്ളിൽ ലഹരിമരുന്ന് കച്ചവടം നടത്തിയതിന് എട്ട് പേരെയും , ലഹരി മരുന്ന് ഉപയോഗിച്ചതിന് ഏഴ് പേരെയും അറസ്റ്റ് ചെയ്തിട്ടുണ്ട്. 85 ഗ്രാം ബ്രൗൺ ഷുഗറും , 78 ഗ്രാം MDMA യും , 100 ഗ്രാം കഞ്ചാവും പിടി കൂടിയിട്ടുണ്ട്.

ഡാൻസാഫ് ടീമിലെ എസ്.ഐ അബ്ദുറഹ്മാൻ കെ , എം.കെ ലതീഷ് , പി.കെ സരുൺകുമാർ , എൻ.കെ ശ്രീശാന്ത് , എം ഷിനോജ് , പി. അഭിജിത്ത് , ഇവി അതുൽ , ടൗൺ സ്റ്റേഷനിലെ എസ്.ഐ ഷബീർ , Scpo മാരായ ശ്രീജിത്ത് കുമാർ , ബിനിൽ കുമാർ , വിജീഷ് എന്നിവരാണ് അന്വേക്ഷണ സംഘത്തിൽ ഉണ്ടായിരുന്നത്.