മുണ്ടൂർ ( കോടഞ്ചേരി) : കോടഞ്ചേരി പഞ്ചായത്ത് നാരങ്ങാത്തോട്- ആനക്കാംപൊയിൽ റോഡിൽ ഗതാഗത തടസ്സം.
ഇന്നലെ ഉണ്ടായ ശക്തമായ മഴയെ തുടർന്ന് താൽക്കാലികമായി നിർമ്മിച്ച ചപ്പാത്തിലൂടെ വെള്ളം കുത്തിയൊലിച്ചു ഒഴുകിയതിനെ തുടർന്നാണ് ഗതാഗതം തടസ്സപ്പെട്ടിരിക്കുന്നത്.
പഴയ കലുങ്ക് പൊളിച്ച് പുതിയത് നിർമ്മിക്കുന്നതിന് മുന്നോടിയായിട്ടാണ് താൽക്കാലികമായി ചപ്പാത്ത് നിർമ്മിച്ചത്. നിരവധി യാത്രക്കാരും, സ്ക്കൂൾ കുട്ടികളും പോകുന്ന വഴിയാണ് ഇപ്പോൾ വെള്ളത്തിലായിരിക്കുന്നത്. ആനക്കാംപൊയിൽ, മുത്തപ്പൻപുഴ ഭാഗങ്ങളിലേക്ക് യാത്ര ചെയ്യുന്നവർ
മറ്റു വഴികൾ തേടണം.
