കോഴിക്കോട് :
ബീച്ച് വെൻഡിംഗ് മാർക്കറ്റിന് പിന്നിൽ വൻ അഴിമതി നടക്കുന്നതായി യുഡിഎഫ് കൗൺസിൽ പാർട്ടി. അടിസ്ഥാന സൗകര്യം ഏർപ്പെടുത്തുന്ന പദ്ധതിയുടെ എസ്റ്റിമേറ്റിനേക്കാൾ കൂടുതൽ തുക ചെലവഴിച്ചതിൽ ദുരൂഹതയുണ്ട്. 3. 44 കോടിയായി എസ്റ്റിമേറ്റ് തുക! ഇതിൽ NULM 2.44 കോടിയും സർക്കാറിന്റെ ഫുഡ് സ്ട്രീറ്റ് പദ്ധതിയിൽ നിന്ന് ഒരു കോടിയുമാണ് ഉദ്ദേശിച്ചത്. ഇവയൊക്കെ മറികടന്ന് 5.29 കോടിയുടെ പ്രവൃത്തി നടന്നത് സംശയകരമാണ്. പ്രവൃത്തിയാകട്ടെ നാല് കരാറുകാരെയാണ് ഏൽപിച്ചത്…….!!
ബങ്ക് വാങ്ങിയത് മെറ്റൽ ഇൻഡസ്ട്രീസ് ഷൊർണൂർ എന്ന സ്ഥാപനത്തിൽ നിന്നാണ്. ഇതിലും വലിയ വ്യത്യാസമുണ്ട് 3 ലക്ഷമാണ് ഗുണഭോക്തക്കളിൽ നിന്ന് വാങ്ങുന്നത്. ഇതേ മാതൃകയിലുള്ള ബങ്കിന് 1.75 ലക്ഷം (GST ഉൾപ്പെടെ)ആണ് മറ്റൊരു സ്ഥാപനത്തിൽ നിന്ന് ക്വട്ടേഷൻ ലഭിച്ചത്. ഫുൾ സ്റ്റീൽ ബങ്കിന് GST ഉൾപ്പെടെ 2.53, 700 രൂപയാണ് മറ്റൊരു ക്വട്ടേഷൻ ലഭിച്ചത്. ഇപ്പോൾ സ്ഥാപിക്കപ്പെട്ടത് ഫുൾ സ്റ്റീൽ അല്ല. ഗുണഭോക്താക്കൾക്ക് മേൽ സമ്മർദ്ദം ചെലുത്തിയാണ് ബങ്ക് വാങ്ങിച്ചത്… കേരള ബാങ്ക് വഴി 28.02.25-ന് ആണ് ആദ്യം 1.90 ലക്ഷം അടപ്പിച്ചത്. ആറ് മാസം കഴിഞ്ഞ് 27.08.25 ന് 99,000 രൂപയും അടപ്പിക്കുകയായിരുന്നു. ഇങ്ങനെ രണ്ട് ഗഡുവായി അടപ്പിച്ചത് എന്തിനെന്ന് ഭരണാധികാരികൾ വിശദീകരിക്കണം. വെൻഡിംഗ് മാർക്കറ്റ് പദ്ധതിയെ കുറിച്ച് കൗൺസിൽ സർവകക്ഷിയെ കൊണ്ട് സമഗ്ര അന്വേഷണം നടത്താൻ തയ്യാറാകണം.
ബീച്ച് സൗന്ദര്യവൽക്കരണത്തിന്റെ ഭാഗമായ പ്രവൃത്തികൾ അവഗണിക്കുകയാണ് DTPC യുടെ ബീച്ചിലെ കംഫർട്ട് സ്റ്റേഷനും ലയൺസ് പാർക്കും സാമൂഹ്യവിരുദ്ധരുടെ താവളമായി. DTPC ക്ക് കോർപറേഷൻ വാടകക്കു നൽകിയ ബീച്ചിലെ അക്വറിയവും കാട് പിടിച്ച് കിടക്കുന്നു – സൗന്ദര്യവൽക്കരണ പദ്ധതി സ്വന്തക്കാർക്ക് യഥേഷ്ടം കയ്യാളാൻ അനുവദിച്ചു : കോർപറേഷൻ ഓഫീസിന് മുന്നിൽ അമേരിക്കൻ കുത്തക കമ്പനി ഏറ്റെടുത്ത സ്വകാര്യ ആസ്‌പത്രി പരസ്യം പ്രത്യക്ഷപ്പെട്ടത് ആരുടെ സഹായത്തോടെ എന്ന് ഭരണകുടം വ്യക്തമാക്കണം –
കെ.സി. ശോഭിത ,പാർട്ടി ലീഡർ –
കെ. മൊയ്‌തീൻകോയ, ഡെപ്യൂട്ടി ലീഡർ
എസ്.കെ.അബുബക്കർ, ചീഫ് വിപ്പ്
