തിരുവനന്തപുരം: ഫേസ്ബുക്കിലൂടെ വെല്ലുവിളി പോസ്റ്റുകളിട്ടത് താന് തന്നെയെന്ന് പൊലീസിനോട് സമ്മതിച്ച് ക്രിമിനല് കേസ് പ്രതി അര്ജുന് ആയങ്കി . സോഷ്യല് മീഡിയയില് പോസ്റ്റുകളിടാന് പല സ്ഥലങ്ങളില് നിന്നുള്ള വൈ ഫൈ ആണ് ഉപയോഗിച്ചതെന്നും ഇയാള് പറഞ്ഞു. ഭീഷണി പോസ്റ്റ് സമൂഹമാധ്യമങ്ങളിലിടാനായി ഉപയോഗിച്ച അര്ജുന്റെ ഐ ഫോണ് പൊലീസ് കണ്ടെടുത്തു്. അര്ജുന് ആയങ്കിയെ പിടികൂടിയ അഭിഭാഷകയുടെ അപ്പാര്ട്ട്മെന്റിന് സമീപത്തുവച്ചാണ് ഫോണ് കണ്ടെത്തിയത്. ഭീഷണി പോസ്റ്റ് ഇട്ട ഐഫോണ് 16 പ്രോ ഫോണ് ആണ് കണ്ടെത്തിയത്. ഷൂ റാക്കില് ഒളിപ്പിച്ച നിലയിലായിരുന്നു ഫോണ്. മുമ്പ് അര്ജുന് പിടിയിലായപ്പോള് പൊലീസ് മറ്റൊരു വിവോ ഫോണ് കണ്ടെത്തിയിരുന്നു. എന്നാല് ഈ ഫോണില് നിന്നല്ല പോസ്റ്റുകള് ഇട്ടതെന്ന് പിന്നീട് തെളിയുകയായിരുന്നു
