ന്യൂഡല്ഹി: സ്വാതന്ത്ര്യദിനത്തിന് ഭാഗമായി ഡല്ഹിയില് കനത്ത ജാഗ്രത നിര്ദേശം. ഇതിന്റെ മുന്നോടിയായി ദേശീയ തലസ്ഥാനത്ത് സുരക്ഷ ശക്തമാക്കുകയും പ്രധാന സ്ഥലങ്ങളില് പിടികിട്ടാപ്പുള്ളികളായ 19 ഭീകരരുടെ പോസ്റ്ററുകള് പതിപ്പിക്കുകയും ചെയ്തു.ഇന്ത്യന് മുജാഹിദിന്, അല് ഖ്വയ്ദ, വിവിധ ഖാലിസ്ഥാന് സംഘടനകളുമായി ബന്ധമുള്ളവരാണ് പോസ്റ്ററുകളില് . ഇത് പൊതുജനങ്ങളില് അവബോധം വളര്ത്താനും ഒളിവില് കഴിയുന്ന പ്രതികളെ കുറിച്ച് ജനങ്ങളില് നിന്ന് വിവരങ്ങള് ലഭ്യമാകാന് സഹായകമായേക്കുമെന്നും അധികൃതര് കരുതുന്നു. സ്വാതന്ത്ര്യദിനത്തിനും റിപ്പബ്ലിക് ദിനത്തിനും മുമ്പ് സ്വീകരിക്കുന്ന പതിവ് സുരക്ഷാ നടപടികളുടെ ഭാഗമായാണ് രാജ്യത്തിന് ഭീഷണിയായേക്കാവുന്ന തീവ്രവാദികളുടെ ഫോട്ടോകള് പ്രദര്ശിപ്പിക്കുന്നതെന്ന് പൊലീസ് പറഞ്ഞു.
