തിരുവന്തപുരം : സംസ്ഥാന സര്ക്കാരിന്റെ ‘പ്രിയദര്ശിനി’ സൗജന്യയാത്രാ പദ്ധതി നടപ്പിലാക്കിയതിലൂടെ സ്വകാര്യ ബസ് മേഖല നേരിടുന്ന സാമ്പത്തിക പ്രതിസന്ധികളെയും പ്രശ്നങ്ങളെയും കുറിച്ച് പഠിക്കാന് പ്രത്യേക സമിതിയെ നിയോഗിച്ച് ഗതാഗത വകുപ്പ് മന്ത്രി സിപി ജോണ്. റിട്ട. ഐപിഎസ് ഉദ്യോഗസ്ഥന് കെ. പത്മകുമാര് ചെയര്മാനായ സമിതിയാണ് വിഷയത്തില് പഠനം നടത്തുക. സ്വകാര്യ ബസ് ഉടമകളുടെ സംഘടനകളുമായി നടത്തിയ കൂടിക്കാഴ്ചയ്ക്ക് ശേഷം ഗതാഗത വകുപ്പ് മന്ത്രി സിപി ജോണ് ആണ് ഇക്കാര്യം അറിയിച്ചത്.സ്വകാര്യ ബസുകള്ക്ക് അധിക വരുമാനം കണ്ടെത്തുന്നതിനായി ബസിനകത്തും പുറത്തും പരസ്യങ്ങള് പതിക്കാന് അനുമതി നല്കുമെന്നും മന്ത്രി വ്യക്തമാക്കി. ഇതിന് പുറമെ സംസ്ഥാനത്ത് സമഗ്രമായ ഒരു ഗതാഗത നയം രൂപീകരിക്കുമെന്നും മന്ത്രി കൂട്ടിച്ചേര്ത്തു.
