തിരുവനന്തപുരം: വികസനത്തിന്റെ അടുത്ത ഘട്ടത്തിലേക്ക് കടന്നിരിക്കുകയാണ് വിഴിഞ്ഞം തുറമുഖം. വിഴിഞ്ഞം തുറമുഖത്ത് നിന്നുള്ള ആദ്യ കണ്ടെയ്നറിന്റെ ഫ്ലാഗ് ഓഫ് കര്മ്മം മുഖ്യമന്ത്രി വി ഡി സതീശന് നിര്വഹിച്ചു. വിഴിഞ്ഞം തുറമുഖത്ത് നിന്ന് കരമാര്ഗമുള്ള ചരക്കുനീക്കത്തിനാണ് ഇതോടെ തുടക്കമായത്.സമ്പൂര്ണ്ണ കയറ്റിറക്കുമതി എന്ന നിര്ണായക ഘട്ടത്തിലേക്കാണ് വിഴിഞ്ഞം തുറമുഖം ഇപ്പോള്കടന്നിരിക്കുന്നത്. നിലവില് വിഴിഞ്ഞത് അടുക്കുന്ന മദര്ഷിപ്പില് നിന്ന് മറ്റു ചെറിയ കപ്പലുകളിലേക്ക് ചരക്കുകള് മാറ്റി രാജ്യത്തിന്റെ മറ്റു തുറമുഖങ്ങളില് എത്തിക്കുന്നതായിരുന്നു നിലവില് നടക്കുന്ന രീതി. ഇനി വിഴിഞ്ഞത്ത് എത്തുന്ന മദര്ഷിപ്പില് നിന്നുള്ള ചരക്കുകള് തുറമുഖത്ത് ഇറക്കിവെച്ച ശേഷം കണ്ടെയ്നറുകളില് കയറ്റി കരമാര്ഗം മറ്റു സ്ഥലങ്ങളിലേക്ക് കൊണ്ടുപോകാന് കഴിയുന്ന തരത്തിലാണ് വികസനം സാധ്യമായത്. കേരളത്തിന്റെ സാമ്പത്തിക വളര്ച്ചയുടെ സുപ്രധാന നാഴികക്കല്ലായാണ് ഈ വികസനം കണക്കാക്കപ്പെടുന്നത്.
